សកម្មភាពមនុស្សធម៌​ - Humanitarian activities - EVOV ORG

ទិដ្ឋភាពខ្លះៗក្នុងភូមិបឹងជង្រុក_ ហ៊ុយ_ ជោតមុនី_ EVOV ORG

សកម្មភាពខ្លះៗនៃការត្រៀមរៀបចំចែកទាន_ភូមិបឹងជង្រុក - EVOV ORG

វត្តរតនរង្សី រីវៀរ

កម្រងវីដេអូ និងរូបភាពកាន់បិណ្ឌ - ភ្ជុំបិណ្ឌ នៅវត្តរតនៀរង្សី រីវៀរ រដ្ឋមាសាជូសេត USA

ថ្ងៃអាទិត្យ ១កើត ខែអស្សុជ ឆ្នាំកុរ ឯកស័ក ពុទ្ធស័ក ២៥៦៣ ត្រូវថ្ងៃទី២៩ ខែកញ្ញា ឆ្នាំ២០១៩

១ កើតមកគ្មានមិត្ត ជីវិតគ្មានន័យ បើមាននិស្ស័យ គង់បានជួបគ្នា។

២ ខ្លៅពិតត្រូវសង្វាត ខ្លាចពិតត្រូវលត់ដំ ក្រពិតត្រូវខិតខំ មោហាដំនំនឹកដល់ធម៏ព្រះ។

៣ គេបបួល កុំអោយខាន បើគេបាន ត្រូវចេះសួរ គួរពុំគួរ ត្រងចំណេះ។

 ៤ ប៉ោយប៉ែតជាយដែនប្រឹងចាយលុយបាត ស្វាយរៀងសង្វាតខំចាយលុយឌុង អ្នកមានចំណេះរស់នៅទីក្រុង ទិញគ្រឿងកំប៉ុងដកលុយដុល្លារ។

៥ ចូលព្រៃប្រទះបន្លា ការងារប្រទះឧបសគ្គ អ្នកស្ងៀមសំដីត្រជាក់ អ្នកល្បីឈ្មោះជាក់ បានមកដោយខំ។

៦ តណ្ហាកើតឡើងពីចិត្ត កាយាប្រព្រឺត្តទង្វើ ប្រាជ្ញានាំផ្លូវអោយធ្វើ សតិប្រសើរនាំទៅមង្គល។

៧ ធ្វើតាមសភាវគតិ អ្នកនឹងប្រព្រឹត្តទង្វើដដែលៗ ជាប្រចាំ ប្រើប្រាស់ព្រលឹង សតិ ប្រាជ្ញា អ្នកនឹងវិឌ្ឍន៍គំនិត និង ទង្វើប្លែកៗជាដរាប។

៨ គេខុស ជួយកែលំអ គេសាទរ ត្រូវបន្ទន់ប្រាណ។

៩ យល់់តូច ត្រូវចាប់គិត ដល់យល់់ធំពិត ត្រូវចេះវិភាគ។

១០ ជាពងមាន់ កុំរហន់ ជល់នឹងថ្ម ដល់ពេលញាស់ ខ្លួនរលាស់ ដើររំលង។

 ១១ ពេលដល់់ត្រើយ កុំកន្ដើយ ឆ្លើយអរគុណ នោះទើបពិត ជាគំនិត នៃគុណធម៌។


១២ កំហុសអ្នកផងធំគ្មានអ្វីថ្លែង កំហុសខ្លួនឯងបាំងបាត់សូន្យឈឹង កំហុសគេតូចបើកភ្នែកសម្លឹង កំហុសខ្លួនប្រឹងកៀរនៅក្រោមជើង។

១៣ ព្រលឹមបែរគិតនឹកដល់ចន្ទ្រា ពេលយប់សន្ធិយានឹកសូរិយា ម្ហូបឆ្ងាញ់ល្បែងសប្បាយនឹកសង្សារ មានទុក្ខខ្លោចផ្សានឹកម្ដាយឪពុក។

១៤ មុនមាន់រងាវសាកក្រោកឡើងម្ដង គយគន់អ្នកផងតាមដងវិថី ថាតើពួកគាត់កំពុងធ្វើអ្វី រៀបចំតូបល្អីខ្លះខំធ្វើការ។ 

ម៉ោងដប់ព្រលប់នៅផ្សារដើមគរ សំលេងបន្ទរលាន់ពេញសោតា នេះហើយជីវិតអ្នកក្សត់ទ្រព្យា សុខទុក្ខវេទនាត្រូវចេះតស៊ូ។

១៥ គ្រាក្រលំបាកមានមនុស្សម្នាក់ ជាទីពំនាក់មិនដែលឃ្លាត គ្រាមានសប្បាយកុំបែរឆ្លៀត ហាក់មិនស្គាល់ញាតិរាប់អ្នកថ្មី។

១៦ បច្ចុប្បន្នជោគជ័យព្រោះមានអ្នកជួយ ខិតខំលើកស្ទួយចិញ្ចឹមស្ងួនភ្ញា ចំណេះពេញប្រាណបានរៀនវិជ្ជា កុំបីរេរាតបស្នងគុណវិញ។













១៧ បើកភ្នែកងងឹត បិទភ្នែកមានពន្លឺ។

១៨ ស្រឡាញ់វប្បធម៌ ត្រូវរក្សា ស្រឡាញ់កិរិយា ត្រូវរិះគិត ស្រឡាញ់គុណធម៌ ប្រសើរពិត ស្រឡាញ់ជីវិត ប្រសើរក្រៃ។

១៩ ឆ្លៀតពេលទំនេរពីការសិក្សា រកថវិកាដោះជីវភាព ត្បិតអ្វីរស់ក្នុងត្រកូលតូចទាប លត់សមត្ថភាពថ្ងៃមុខភ្លឺស្វាង។

២០ ថ្ងៃនេះខិតខំធ្វើការងារ រងទុក្ខវេទនាពេលក្មេងខ្ចី សង្ឃឹមថ្ងៃមុខជួបជោគជ័យ សាងជីវិតថ្មីស្រស់បំព្រង។

២១ ជំហរទង់ជាតិតាមដងវិថី ឈរអួតលោកីកេរ្ដិ៍ឈ្មោះកិត្តិនាម សូរបក់រវិចជាឆ្មាំចាំយាម អ្នកហ៊ានទីទាមប្រាកដវិនាស។

២២ ស្លឹកឈើ សម្រូត ជ្រុះក្បែរគល់ស្លឹកឈើ ប្រឹងរុល រសាត់ឆ្ងាយ។ ស្លឹកឈើ ខ្យល់នឹង ជ្រុះហើយទ្រឹង នៅក្បែរគល់ស្លឹកឈើ វក់ខ្យល់ ហើររចល់ រសាត់ឆ្ងាយដើម។

២៣ កូនក្មេងមិនធ្លាប់ចាស់ តែមនុស្សចាស់ធ្លាប់ក្មេង កូនក្មេងអាចចាស់ តែមនុស្សចាស់មិនអាចក្មេង។

២៤ ទឹកជាប្រយោជន៍ ទ្រទ្រង់សារពាង្គ ទឹកចិត្តធំជាង មហាសាគរ ទឹកចិត្តជ្រួតជ្រៀប ដោយក្ដីអំណរ ទឹកចិត្តស្មោះសរ ល្អគ្មានអ្វីផ្ទឹម។

២៥ កំលាំងអ្វីប្រៀបបានកំលាំងចិត្ត ថាមពលសណ្ឋិតបំរុងក្នុងប្រាណ រក្សាអោយនឹងគ្មានអ្វីរំខាន ប្រើគ្រប់មជ្ឍដ្ឋានសំរេចគោលដៅ។

២៦ លុយកាក់ជារបស់ក្រៅខ្លួន មិត្តភាពជាជំនូនក្នុងចិត្ត។

២៧ កំហឹងក្រេវក្រោធត្រូវទប់អោយជាប់ សតិបង្គាប់អោយតំាងអារម្មណ៍ កុំបណ្ដោយចិត្តផ្តេកផ្ដិតបង្ខំ កំសួលអារម្មណ៍រសាត់បាត់ឯង។

២៨ បុគ្គលឧត្តមព្យាយាមតស៊ូ ជាជនគំរូដល់អ្នកដទៃ ប្រហែសភ្លេចខ្លួនអំណួតចក្រី ធ្លាក់សំយ៉ុងដីកប់ក្នុងភក់ជ្រាំ។

២៩ គ្រប់ពេលរវល់អប់រំដល់គេ ភ្លេចខ្លួនទទេអប់រំសួនតួ ដូចនេះត្រូវគិតប្រៀនប្រិតសំនួរ តើខ្លួនត្រូវគួរអប់រំយ៉ាងណា។

៣០ ស្ម័គ្រចិត្តស្ម័គ្រកាយ ធ្វើរឿងទាំងឡាយ ដើម្បីគ្រួសារនិងប្រទេសជាតិ។

៣១ នារីអាងសម្រស់ បុរសអាងចំណេះ សីលធម៌ធ្វេសប្រហែស គេដៀលត្មេះ ដល់ពូជពង្ស។

៣២ បិទភ្នែកស្រម៉ៃ ទស្សនវិស័យ អនាគតអ្នក បើកភ្នែកឃើញច្បាស់ មិនប្រែក្រឡាស់ គំរោងជីវិត។

៣៣ ប្រកាន់ជំហរ ខំដើរបន្ដ ទោះដើរតែឯង ថ្ងៃមួយភ្លេចខ្លួន មានគេថែថួន ដើរអមត្រសង។

៣៤ ថ្ងៃនេះរៀបចំគំរោងជីវិត វិភាគរិះគិតគួរធ្វើអ្វីខ្លះ ថ្ងៃស្អែកបើមានអ្វីប្រែក្រលះ កែគំរោងច្បាស់រៀបឡើងម្ដងទៀត។

៣៥ បុប្ផាក្រពុំសាយភាយក្លិនស្នេហ៍ ភូមរាហើរក្បែរងងឹតមេឃា ពេលអស់លំអងស្រពាប់គ្រាំគ្រា រក្សាមួយគ្រា ពេលដល់វេលា ក្លាយជាបុប្ផាសួគ៌។

៣៦ បុប្ផាក្រពុំសាយភាយក្លិនស្នេហ៍ ភូមរាហើរក្បែរងងឹតមេឃា ពេលអស់លំអងស្រពាប់គ្រាំគ្រា តែបើរក្សាមួយគ្រា ពេលដល់វេលា នឹងក្លាយជា រាជនីនៃបុប្ផាសួគ៌។

៣៧ អធិរាជ្យក្ដាមសមុទ្រខាងត្បូង សេនាអមច្រូងឆ្ពោះទិសខាងជើង មាន់ចែរងាវស្រែកបែកផ្កាភ្លើង ជន្លេនជាន់ឈ្លើងខ្លាចឬទ្ធិចេស្ដា។

៣៨ សំបកខាងក្រៅបំភ័ណគំនិត សោភ័ណនិមិត្តបំភ័ណអារម្មណ៍ បើមិនរិះគិតវិភាគផ្សែផ្សំ លង់ខ្លួនដំនំទៅក្នុងមនោគម។

៣៩ ដាំពូជគំនិត ដុះផ្លែប្រាជ្ញា ដាំពូជនិន្ទា ផ្លែល្វាជាញាតិ។

៤០ មហាព្យុះសង្ឃរាក្នុងគំនិត ផ្គរលាន់កកិតក្នុងដើមទ្រូង ជលសាបោកបក់ពេញនេត្រវង់ សតិតម្រងតាំងចិត្តស្ងប់។

៤១ គោរពពេលវេលាអោយដូចគោរពព្រះ ជំនះភាពធ្វេសប្រហែសដោយការទំនួលខុសត្រូវ។

៤២ សំដីសបង្ហាញពីសីលធម៌ សំដីសបង្ហាញពីប្រាជ្ញា សំដីសបង្ហាញពីពង្សា សំដីសបង្ហាញពីរូបអ្នក។

៤៣ ស្ងៀមជាងស្រដី បើនិយាយអោយមានប្រយោជន៍។

៤៤ ទ្រឹស្ដីហូរដល់កែង អនុវត្តន៍ជាក់ស្ដែងមិនស្មើមនុស្សខ្លៅ។

៤៥ រស់ជាប្រយោជន៍ដល់អ្នកដទៃ ជីវិតមានន័យដោយការរាប់អាន។

៤៦ បរាជ័យថ្ងៃនេះ ជោគជ័យថ្ងៃបន្ទាប់។

៤៧ ជំហានអណ្ដើក ដំណើររវើក ឆ្ពោះដល់គោលដៅ។

៤៨ កុំប្រឹងជ្រួលតាមខ្យល់ នាំអំពល់ដល់អត្មា សម្លឹងមើលបញ្ហា ប្រើប្រាជ្ញាស្រាយចម្ងល់។

៤៩ ដាក់ខ្លួនក្នុងបញ្ហា ទាល់ប្រាជ្ញាគិតមិនយល់ ដកខ្លួនក្រៅកង្វល់ សម្លឹងហេតុស្វែងវិធី។

៥០ សោភ័ណផ្ទៃមុខ ស្រស់បានម្ភ៉ៃឆ្នាំ កេរ្ដិ៍ឈ្មោះល្អផ្ដាំ តរាប់តំណ។

៥១ ពេជ្រក្នុងអន្ទាក់ អ្នកណាក៏ចង់លោ ចូលជាប់ត្រឹម ក ត្រដស្រែកអោយគេជួយ។

៥២ ចំណេះមិនដល់ ខំប្រឹងខ្វាយខ្វល់ ពាក់អាវអ្នកប្រាជ្ញ ធ្វើខ្លួនពូកែ ដើរក្បែរអ្នកប្រាជ្ញ ស្ដីទាំងភ័យខ្លាច ព្រោះខ្លួននៅស្ទើរ។

៥៣ ចាំ ចាំ ចាំ ចាំ ចាំរយខែឆ្នាំ ចាំរៀងរហូត ធ្វើ ធ្វើ ធ្វើ ធ្វើ ទោះតិចក៏ធ្វើ លទ្ធផលនឹងមាន។

៥៤ សម្លឹងបញ្ហា គ្រប់ជ្រុងកាលណា ចាំហ៊ានសន្មត់។

៥៥ ប្រើប្រាស់វេលា ដោះស្រាយបញ្ហា ប្រសើរថ្លៃថ្លា ជាងឈ្លោះប្រកែក។

៥៦ ការមិនទទួលកំហុសមួយពេល ជាការកុហកខ្លួនឯងអស់មួយជីវិត។

៥៧ ត្រូវចេះដាក់ខ្លួន ទោះចេះច្បាប់ក្បួន ដល់ណាក៏ដោយ។

៥៨ ជ័យជំនះនៃការឈ្នានីស ជាជ័យជំនះដែលបរាជ័យ ជ័យជំនះនៃការអប់រំមនុស្ស អោយមានជ័យជំនះ ជាមហាជ័យជំនះ។

៥៩ គ្រប់យ៉ាងបានមកពីការសន្សំ ចំណេះឧត្តមចាយចេញទៅវិញ។

៦០ អំណួតថាខ្លួនខ្លាំង ពេលទាល់បាក់កម្លាំង ធ្វើមុខស្លាំង លែងហាស្ដី។

៦១ ពេលមានកង្វះខាត ត្រូវសង្វាត បំពេញភ្លាម។

៦២ ថ្នាក់បណ្ឌិតទើបតែបញ្ចប់ ត្រឡប់ជីវិតក្នុងសង្គម ទើបតែចាប់ផ្ដើម។

៦៣ ត្រូវរៀនចេះប្រើលុយ កុំអង្គុយ ចាំលុយមកប្រើវិញ។

៦៤ យកចិត្តគេធៀបចិត្តឯង កុំប្រឹងស្ដែង យើងគឺយើង។

៦៥ កែកំហុសខ្លួនបានមួយចំនុច ប្រសើរបំផុត ជាងកែកំហុសគេបានដប់។

៦៦ បិទភ្នែក តាំងស្មារតី គំនិតថ្មី ផុសសុះសាយ។

៦៧ បង្កើតឱកាសសម្រាប់ខ្លួនឯង ល្អជាងចំបែងរងចាំឱកាស បង្កើតឱកាសសម្រាប់គេផង ល្អជាងប៉នប៉ងចង់បានពីគេ។

៦៨ ខ្មៅដៃមួយដើម ចាររឿងពិសិដ្ឋមួយក្បាល អ្នកប្រាជ្ញមួយរូប អប់រំមនុស្សមួយផែនដី។

៦៩ ជណ្ដើរជីវិត មានច្រើនកាំ អ្នកឡើងប្រចាំ យល់វែងឆ្ងាយ អ្នកខ្ជិលច្រអូស ទាំងចិត្តកាយ រីករាយសប្បាយ កាំផ្ទាល់ដី។

៧០ រៀនជ្រើសបុគ្គល គំរូក្នុងចិត្ត រួចរៀនប្រព្រឹត្ត ដើរតាមគន្លង រៀនអនុវត្ត កុំអោយខុសឆ្គង រៀនលើសរៀមច្បង ស្នងតំណែងលោក។

៧១ ព្រហ្មលិខិតជាអ្នកចារ ឯវាសនាយើងកំនត់ ចង់ធ្វើអ្វីអោយម៉ត់ចត់ ទោះនឿយហត់ស៊ូជានិច្ច។

៧២ ទឹកទន្លេមាននាចជោរ ចរន្ដហូរតាមរដូវ ឯទឹកចិត្តតម្កល់នៅ ស្ងប់តទៅថេរចិរកាល។

៧៣ វិថីសួនច្បារ គយគន់ទស្សនា ទៅហើយទៅទៀត វិថីជីវិត វេលាកំរិត ទៅមិនត្រឡប់។

៧៤ ស្កប់ស្កល់នូវអ្វីដែលខ្លួនមាន ធ្វើបុណ្យដាក់ទានដល់សង្គម។

៧៥ ពេលរស់ជួបជុំភ្លេចប្រព្រឹត្ត រវល់រាប់មិត្តភ្លេចម៉ែឳ ដល់ពេលជីវិតលោកចាកទៅ ទើបភ្ញាក់ហ្មងសៅវិប្បដិសារី។

៧៦ ចង់ស្វែងការងារកុំភ័យភិត បែរមានគំនិតថាខ្លួនអន់ ការងារបង្រៀនម្ចាស់តូចតន់ បណ្ដោះអាសន្នត្រូវអត់ធ្មត់។

៧៧ បើស្អប់អំពើអាក្រក់ហើយ កុំសោះឡើយ ទៅយកអំពើនោះសាងលើគេវិញ។

៧៨ ធម្មជាតិនៃអ្នកប្រមឹក តែងរលឹក នឹកដបស្រា ធម្មជាតិនៃអ្នកសិក្សា តែងប្រាថ្នា អប់រំខ្លួន។

៧៩ ស្រមោល នៅក្បែររូប ពេលមានពន្លឺ សម្បជញ្ញៈ តែងបំភ្លឺ ទោះយប់ទោះថ្ងៃ។

៨០ សំលៀងសតិ អោយមុត សំលៀងប្រាជ្ញា អោយស្រួច អប់រំចិត្ត អោយស្ងប់ អប់រំកាយ អោយណាយ។

៨១ យសសក្ដិលើស្មា ការគោរពមួយភ្លេត យសសក្ដិក្នុងចិត្ត ការគោរពពេញមួយជីវិត។

៨២ ស្ដាប់ច្រើន មើលច្រើន អានច្រើន រៀនច្រើន កើនចំណេះ សួរច្រើន គិតច្រើន វិភាគច្រើន ពិចារណាច្រើន កើនប្រាជ្ញា។

៨៣ ធ្វើខ្លួនឧស្សាហ៍ ជំនួសការខ្ជិល។

៨៤ ផ្ទៃមុខញញឹម សង្ឃឹមក្នុងចិត្ត។

៨៥ បំភ្លេចទុក្ខសោកអតីតកាល សម្លឹងគោលដៅអនាគតកាល ព្យាយាមអនុវត្តពេលបច្ចុប្បន្នកាល។

៨៦ បេះដួងមួយ ក្នុងបុគ្គលពីរនាក់។

៨៧ មើលសង្គមក្នុងផ្លូវផ្សេង រកវិធីផ្សេងដោះស្រាយបញ្ហាសង្គម។

៨៨ ផ្អែម ល្វីង ជូរ ចត់ សាប ប្រៃ ហិល ជារសជាតិនៃជីវិត។

៨៩ ដោយអំណាចនៃការព្យាយាមមិនរាថយ ក្ដីសង្ឃឹមរាប់រយនៅតែមាន។

៩០ បើពិភពលោកពិតងងឹតសូន្យឈឹង ខិតខំពង្រឹងខ្លួន ក្លាយជាពន្លឺ បំភ្លឺពិភពលោកវិញ។

៩១ ប្រាថ្នាសន្ដិភាពពិភពលោក រកជំរកសន្ដិភាពនៅក្នុងខ្លួន។

៩២ គោរពលើវិជ្ជាជីវៈ មនសិការអ្នកនឹងមិនស្ដីបន្ទោស។

៩៣ កូនល្អនាំសុខចូលគ្រួសារ កូនបាបសានាំទុក្ខចូលសង្គម។

៩៤ សាលារៀនមានគ្រប់កន្លែង បើចេះស្វែងនឹងប្រទះ។

៩៥ ធនធានសំបូរ នគរសប្បាយ ធនធានខ្ជះខ្ជាយ រលាយដូចផេះ។

៩៦ បង្រៀនគេដប់ចេះដល់ដប់មួយ កុំគិតដេកព្រួយខំលាក់ចំណេះ។

៩៧ រៀនធ្វើល្អពេលនៅតូច កុំខិលខូចនាំខុសខាត។

៩៨ កាយស្អាត វាចាល្អ ចិត្តបរិសុទ្ធ កាយលំទោន វាចាទន់ភ្លន់ ចិត្តមេត្តា។

៩៩ កល្យាណមិត្ត នាំជីវិត មានសោភ័ណ។

១០០ ទទួលគុណមួយដង ចងចាំតបស្នងមួយជីវិត។

១០១ ការងារតិចតួច ហុចផលធំធេង ចាប់ផ្ដើមឥឡូវ អ្នកនឹងឃើញមានភាពប្រែប្រួល។

១០២ និយាយតិច ធ្វើច្រើន ចម្រើនជាតិ។ និយាយច្រើន ធ្វើតិច ពន្លិចការអភិវឌ្ឍន៍។

សកម្មភាព

គម្រោងអង្គការអប់រំបណ្ដុះបណ្ដាលវិជ្ជាជីវៈក្មេងកំព្រា និងជនអនាថា ឆ្នាំ ២០១៩ - ២០២៤

គម្រោងអង្គការអប់រំបណ្ដុះបណ្ដាលវិជ្ជាជីវៈក្មេងកំព្រា

និងជនអនាថាឆ្នាំ ២០១៩ - ២០២៤

ដោយយល់ឃើញថា  ការជួយសង្រ្គោះក្មេងកំព្រា និងជនអនាថា អោយរួចផុតពីភាពក្រីក្រ កំសត់ទូគត៌ ក៏ដូចជាអោយរួចផុតពីភាពអវិជ្ជា (គ្មានចំ​ណេះដឹង) ធ្វើអោយពួកគាត់មានចំណេះ​ដឹងគ្រប់គ្រាន់ តាមរយៈការជួយផ្ទាល់​ចំពោះក្មេងៗក្រីក្រ​ទាំងនោះ គឺមិនងាយស្រួសនោះទេ។

ដោយយល់ឃើញថា  ការជួយឧបត្ថម្ភផ្ទាល់ មិនស្ថិតថេរយូរអង្វែងឡើយ ហើយការជួយបែប នេះ ក៏ចំណាយ​ថវិកាអស់​ច្រើន កន្លងមកអង្គការយើងខ្ញុំ បានអនុវត្តន៍ផែនការណ៍បែបនេះ គឺជួយឧបត្ថម្ភសម្ភារៈ​សិក្សារៀនសូត្ររួមមានៈ សៀវភៅ ប៊ិច ខ្មៅដៃ ជ័រលុប កាតាប ខោអាវនឹងកង់ជាដើម​​ ជាពិសេសកុមារកំព្រាក្រីក្រ ត្រូវបានឧបត្ថម្ភជាថវិកាក្នុងមួយ​នាក់ចំនួន ៣ម៉ឺនរៀលក្នុងមួយ ខែៗ រយៈពេលមួយឆ្នាំ។

ដោយអង្គការយើងខ្ញុំ មានបទពិសោធន៍ក្នុងការជួយបែបនេះ ត្រូវទទួលបរាជ័យដោយ សារចំណាយថវិកាអស់​ច្រើន។ ជាពិសេសឪពុកម្តាយរបស់ក្មេងកំព្រាទាំងនោះ មិនយល់អំពីតម្លៃ នៃការសិក្សារៀនសូត្ររបស់កូន ហើយពួកគាត់​ទាំងនោះថែមទាំងមិនជំរុញលើកទឹកចិត្ត អោយ កូនទៅចូលសាលារៀនទេ មានតែជំរុញអោយកូនឈប់រៀន ឬផ្អាក់ការសិក្សា​រៀនសូត្រ ដើម្បីអោយកូនមកជួយរកកម្រៃចិញ្ចឹមគ្រួសារទៅវិញ។ ពួកគាត់ទាំងនោះមិនសូវរវីរវល់ខ្វាយខ្វល់ អំពីការ​សិក្សាររៀនសូត្ររបស់កូនពួកគាត់នោះទេ គាត់គិតតែជីវៈភាពរស់នៅ ឬគិតតែលែងល្បែង ផឹងស៊ីអួរផ្នួរ ចំណាយពេល​ឥតប្រយោជន៍ទុកអោយកូនៗ ជាអ្នកចិញ្ចឹមគ្រួសារទៅវិញ នេះម្យ៉ាង។

ម្យ៉ាងទៀតពួកគាត់គិតថា ការសិក្សារៀនសូត្ររបស់កូនមិនបានដល់កោះត្រើយឡើយ ពីព្រោះគាត់ជាគ្រួសារក្រីក្រ​ គ្មានលទ្ធិភាពឧបត្ថម្ភអោយកូនរៀនសូត្របានខ្ពង់ខ្ពស់នោះទេ ប្រសិនបើជាទុកអោយកូនមកជួយធ្វើការងារខ្លួនវិញ ប្រសើរជាជាងទុកអោយ​កូនទៅសាលារៀន។

 

អង្គការយើងខ្ញុំ ផ្តោតសំខាន់បំផុតទៅលើការកេងប្រវ័ញ្ចកម្លាំងពលកម្ម ការរំលោភសិទ្ធិ ដោយខុសច្បាប់មកលើ​កុមារគ្រប់រូបភាព និងចូលរួមកាត់បន្ថយនៃការបោះបង់ចោលការសិក្សា របស់ក្មេងកំព្រាក្រីក្រ និងក្មេងអនាថា អង្គការ អ.ប.ក.ជ. ជំរុញនឹងលើ​កទឹកចិត្តអោយកុមារ កំព្រាក្រីក្របានចូលរៀនឡើងវិញ។ មានកុមារកំព្រាក្រីក្រខ្លះ ពួកគាត់រស់នៅជាមួយម្តាយអត់ ឪពុក ជាមួយ​ឪពុកអត់ម្តាយ រស់នៅជាមួយតាយាយដែលអត់មានលទ្ធិភាពចិញ្ចឹម នឹងរស់នៅ ជាមួយសាច់ញាតិជាដើម។

ទន្ទឹមនឹងនោះដែរ ដើម្បីអោយសកម្មភាពនេះជោគជ័យ យើងត្រូវផ្តោតសំខាន់ទៅលើ ឪពុកម្តាយ ឬអ្នកអាណា​ព្យាបាលជាចម្បង ពីព្រោះឪពុកម្តាយ នឹងអ្នកអាណាព្យាបាលនេះហើយ ជាចលករមួយដែលមានឥទ្ធិពលខ្លាំងបំផុត ​ក្នុងការ​ជំរុញកុមារកំព្រាក្រីក្រ ដែលជាកូនរបស់ពួកគាត់ អោយចូលរៀនបានដោយងាយស្រួល និងជាប់លាប់។​ 

ជាការពិតណាស់ យើងជាគ្រួសារក្រីក្រ ជាស្រ្តីមេម៉ាយទីទាល់ក្រ ឬជាជនពិកាក្រីក្រ បើយើងធ្វើអ្វីមួយអោយបានសម្រេចជោគជ័យ ដូច​ជាជនមានលទ្ធិភាព មានកាយសម្បទា គ្រាប់គ្រាន់ ដូចជនដ៏ទៃឯទៀតនោះ លុះត្រាតែមានអ្នកជួយឧបត្ថម្ភ និងចងក្រងគ្នាជាបណ្តាញ ជាសម្ព័ន្ធ ឬជាក្រុមមួយដ៏​រឹងមាំជាមុនសិន។ បណ្តាញ សម័្ពន្ធ​ ឬក្រុមនោះ ត្រូវរួបរួមសាមគ្គី គ្នាជាកម្លាំងស្មារតីតែមួយ ត្រូវជួយដោះស្រាយគ្នារាល់​ឧបសគ្គដែលកើតមានឡើង ជួយគ្នា ទាំងកម្លាំងកាយ ទាំងថវិកា និងគំនិតប្រាជ្ញាស្មារតី បើនិយាយដោយរួមមានអ្វីគឺជួយហ្នឹង។

                                                        

ដើម្បីអោយកុមារកំព្រាក្រីក្របានចូលរៀនដោយងាយស្រួល និងបានជាប់លាប់នោះ  យើង ត្រូវអប់រំបណ្តុះ បណ្តាលឪពុកម្តាយ ឬ​អាណាព្យាបាលរបស់ពួកគេជាចំបាច់។ ធ្វើយ៉ាងណាពន្យល់ ពួកគាត់អោយស្គាល់អំពីជីវិតពិតរបស់មនុស្ស នឹងពន្យល់​អោយយល់ច្បាស់អំពីគុណសម្បត្តិ និង គុណវិបត្តិនៃ ការសិក្សារៀនសូត្ររបស់កូនពួកគាត់។ ហើយជាពិសេសត្រូវ​បណ្តុះបណ្តាលផ្នែក គំនិតដល់ពួកគាត់ ដើម្បីអោយពួកគាត់ចេះកែច្នៃជីវិតខ្លួនឯងអោយល្អប្រសើរឡើង។ ដើម្បីអោយ ពួកគាត់ទទួល​បាននូវភាពចេះកែច្នៃជីវិត អោយបានល្អប្រសើរនោះ យើងត្រូវបង្កើតសិប្បកម្មខ្នាត តូច​​​ ​ (ការងារ) ឬបង្កើតសម្ព័ន្ធមូលនិធិពួកគាត់ដើម្បីពួកគាត់ (​សម្ព័ន្ធមូលនិធិពល​រដ្ឋខ្មែរដើម្បីខ្មែរ) នឹងបើកវេទិកា ឬបើកសិក្ខាសាលាដើម្បីអប់រំបណ្តុះបណ្តាលពួកគាត់។

សិប្បកម្មខ្នាតតូចបង្កើតឡើងដើម្បីៈ

១‍‍‍‍-  ជំរុញ នឹងលើកទឹកចិត្តពួកគាត់ អោយជំរុញកូនចូលសាលារៀន

២- ចូលរួមលើកស្ទួយវិស័យព្រះពុទ្ធសាសនា

៣- ចង់ក្រងបណ្តាញពួកគាត់អោយមានភាពសាមគ្គី និងចេះជួយគ្នាទៅវិញទៅមក

          ៤- ដើម្បីជួយគ្រួសារក្រីក្រ ស្រ្តីមេម៉ាយ និងជនពិកា

          ៥-  បង្កើតមុខរបរជួនពួកគាត់

          ៦- បង្កើតការងារដល់សហគមន៍

          ៧- លើស្ទួយកំរិតជីវភាពពួកគាត់អោយបានល្អប្រសើរ

          ៨- ចូលរួមជួយកាត់បន្ថយភាពក្រីក្រីក្នុងសង្គមជាតិ

          ៩- ទប់ស្កាត់ការធ្វើចំណាក់ស្រុករបស់ប្រជាពលរដ្ឋក្រីក្រ

១០- ផលប្រយោជន៍ដែលទទួលបានពីសិប្បកម្ម (គឺជាប្រាក់ចំណេញ) នោះ គឺជាចំណែកផល​លាភ​នៃពួកគាត់ទាំងអស់គ្នា ដើម្បីយកមកចិញ្ចឹមផ្គត់ផ្គង់ក្នុងគ្រួសារពួកគាត់, និងជួយទ្រទ្រង់ដល់សិប្បកម្ម។

ល័ក្ខខ័ណ្ឌនៃការចូលជាសមាជិកអាជីវសិប្បកម្ម

១- ដាច់ខាតត្រូវតែជំរុញ និងលើកទឹកចិត្តកូនអោយចូលសាលារៀន

២- ជាគ្រួសារក្រីក្រពិតប្រាកដ

៣- ប្រវត្តិគ្រួសារចេះតស៊ូអត់ធ្មត់ (ប្រវត្តិគ្រួសារល្អ)

៤- មានទីលំនៅជាអចិន្រ្តៃនៅក្នុងភូមិឃុំ

៥- ជាអ្នកមានឆន្ទៈពិតប្រាកដក្នុងការរើបំរាស់ពីភាពក្រីក្រ

          ៦- ចេះគោរពស្រឡាញ់ យោគយល់ និងអត់អោនអោយគ្នាទៅវិញទៅមក

          ៧- មិនប្រកាន់ពូជសាសន៍

៨- បើមានសមាជិកមួយណារំលោភបំពានលើល័ក្ខខ័ណ្ឌខាងលើនេះ គណៈកម្មការនឹង អញ្ជើញបុគ្គលនោះមកដើម្បីអប់រំណែនាំដល់​ដំណាក់កាលចុងក្រោយ គឺបញ្ឈប់លែងទទួល ស្គាល់ជាសមាជិក។

រាល់កន្លះខែម្តង ត្រូវអប់រំពួកគាត់អោយយល់ដឹងពីៈ

Ø  ភាពជាមាតាបិតា ឬ អាណាព្យាបាល

Ø  អប់រំអំពីផលប៉ះពាល់នៃការប្រើប្រាស់អំពើហឹង្សាក្នុងគ្រួសារ, ការសម្របសម្រួល​ និងកា​រដោះស្រាយទំនាស់ក្នុងគ្រួសារ

Ø  ពន្យល់អំពីផលប៉ះពាល់នៃការធ្វើចំណាកស្រុក

Ø  ពន្យល់អំពីគុណសម្បត្តិ នឹងគុណវិបត្តិនៃការសិក្សារបស់កូនពួកគាត់ (ជំរុញលើកទឹក​

ចិត្ត)

គម្រោង

ភូមិស្រះពោធិកណ្ដាល ឃុំផ្សារដែក ស្រុកពញាឭ ខេត្តកណ្ដាល។

ដំណាក់កាលទី១

          ១. សាងសងបណ្ណាល័យមួយទំហំ ៧ម X ១២ម

 

           ដំណាក់កាលទី២       

ក្រុមភ្លេងពិណពាទ្យ

ល.រ	សកម្មភាព	ចំនួនមនុស្ស	ស្រី	ប្រុស
១	បង្កើតក្រុមភ្លេងពិណពាទ្យវង់ធំ (បន្ត)	៩នាក់	៥	៤
២	បង្កើតក្រុមឆៃយ៉ាំ និងត្រុដិ	១២នាក់	៦	៦
៣	បង្កើតក្រុមរបាំ	៦នាក់	៦

 ដំណាក់កាលទី៣       

ផែ្នកសិប្បកម្ម

ល.រ	ផ្នែកបុរស	ធ្វើអំពី	ផ្នែកស្រ្តី	ធ្វើអំពី
១	ធ្វើតុ ទូ កៅអី ប៉ាវអី	-​ ផ្តៅ          -​ ឬស្សី         -  ឈើ	-តម្បាញកន្ត្រក់គ្រប់ប្រភេទ -វត្ថុអនុស្សាវរីយ៍ - ដេរមួកស្លឹកត្នោត -និងគ្រឿងប្រើប្រាស់ផ្សេងៗ	- ល្ពាក់ - វល្លិ៍ - កំផ្លោក - ស្លឹកត្នោតជាដើម

ដំណាក់កាលទី៣

១. សាងសងសាលារៀនមួយខ្នង ៥បន្ទប់

 ២. សាងសងមណ្ឌលសុខភាពមួយខ្នង

                 ថ្ងៃស្រុក ១២រោច ខែមិគសិរ ឆ្នាំច​ សំរិទ្ធិស័ក ព.ស.២៥៦៣

​​​​​​​​                       ភ្នំពេញ. ថ្ងៃសុក្រ ទី០៣ ខែមករា ឆ្នាំ២០១៩

                                           ប្រធានប្រតិបត្តិ

  ហ៊ុយ ជោតមិនី

 

 

.........................................💘💘💘.........................................

 

  

VOCATIONAL EDUCATION AND TRAINING ORGANIZATION PROJECT:

ORPHANS AND HOMELESS PEOPLE, YEAR 2019 - 2024

 Realizing that rescuing the poor orphans from poverty, misery, as well as ignorance (uneducated), or getting them out of poverty and equipping them with sufficient knowledge by means of direct support to those poor children;

Realizing that such direct support is not permanent and also costly. In the past, our organization has implemented such a plan, as well as donated learning materials such as books, pens, pencils, erasers, bags, clothes and bicycles, etc., especially sponsored 30,000 Riels per person per month for a period of one year.

            Because our organization has experienced in providing supports in this way and it has failed because it was costly; especially, the orphan's parents did not understand the value of their children's education, and they did not even encourage their children to go to school, but only encouraged them to drop out of school or suspend their studies so that they could help earning money to support their family. They were worrying less about their children's education. He thought only of living or just gambling, drinking, wasting their time in vain, and leaving their children to help supporting the family.

            Moreover, they thought that their child would not success in their education because they were poor and could not afford to support their children to get high education. If they kept their children to help with their work, it would be better than to let them go to school.

            Our organization primarily focuses on the exploitation of the labor force, all forms of child abuse, and the participation in reducing school dropout of poor orphans and homeless people, by encouraging such poor orphans to return to school. There are some poor orphans living with single mother, single father, grandparents who cannot afford to support them, and with relatives.

At the same time, for this activity to be successful, we need to focus on parents or guardians, because parents and guardians are one of the most influential catalysts in encouraging the poor orphans who are their children to easily and consistently go to school.

            We are, of course, poor families, poor widows, or poor people with disabilities. If we want to do something as successful as other capable people, we must first form a strong network, alliance or team. Such network or group must unite as one spiritual force, must help solve all the obstacles that arise, help each other physically, financially and mentally; shortly, to help as much as possible.

In order for the poor orphans to get easy access to education, we need to educate their parents or guardians by explaining them by all means so that they can understand the real meaning of life as well as advantages and disadvantages of their child's education; and especially, to train them mentally to know how to change their lives for the better. In order for them to be able to change their lives for the better, we need to create their small handicraft or fund alliance for them (called the Cambodian Citizens' Alliance for Cambodian) and to set up a forum or workshop for their education and training.

This small handicraft was established with the aim to:  

1- Encourage parents to send their children to school.

2- Promote Buddhism.

3- Organize their network so that they are united and help each other.

4- Help poor families, widows and disabled.

5- Create job opportunities for them.

6- Create jobs for the community.

7- Improve their standard of living.

8- Reduce poverty in society.

9- Prevent the migration of the poor.

10- The benefits from handicrafts (i.e. profit) are the dividends to support their families and the handicrafts.

 

Membership conditions for handicraft: 

            1- Must absolutely encourage and motivate their children to go to school.

            2- Is really poor.

3- Has gone through and overcome the trials of life.

4- Permanent resident in the village or town.

5- Is a person who has a real desire to fight against poverty.

6- Respect, love, understand and tolerate each other.

7- Is a person who is not racist.

8- If a member violates the conditions mentioned above, the Commission will invite that person to educate, guide and the final step is to terminate the membership.

 Every half month, they must be educated and informed about: 

- Their parenthood and guardianship.

- The effects of domestic violence, mediation and resolution of domestic conflicts.

- The impact of migration.

- The advantages and disadvantages of their children’s education (encourage and motivate).

 

Project

 Sras Po Kandal village, Phsar Dek commune, Ponhea Leu district, Kandal province.

             Phase 1 

1- Build a 7m x 12m library

 

This library was constructed for the purpose to: 

1- Keep children loving and enjoying reading.

2- Encourage pupils, students to read and to do research.

3- Promote reading.

4- Maintain ideas, consciousness and achieve an ideal.

5- Contribute to the development of human resources.

6- Considered as a repository of knowledge of all kinds and all generations.

 

Phase 2 

PINPEAT MUSICAL ENSEMBLE

 

No.	Activities		Number		Female		Male
1	Creating a large Pinpeat musical ensemble (continued)		9 people		5		4
2	Create a Chhayam dance group		8 people		6		2
3	Create a dance group		6 persons		6
4	Community education
Salon skills training
1	Salon (makeup, hairdressing, manicure, etc.)	2 persons		2

   

Phase 3                                          

HANDICRAFT

 

No	Male	Made of	Female	Made of
1	Build tables, cabinets, chairs.	- Rattan - Bamboo - Wood	- Weave all kinds of baskets, - Souvenirs, - Sew on palm leaf hat, - And other devices.	- wicker - vine - water hyacinth - palm leaf, etc.

 

Phase 4    

1- Build a health center.

 

        2- Build a school with 5 bedrooms.

Phnom Penh, Mongkolvoan Pagoda, Wednesday, 3^rd waning moon day of the the fifth lunar of Cetra, Year of the Rat, the second era of Dosaka, 2564B.E

Corresponding to Friday, January 03, 2019

Executive Director

                          Huy  Choothmuny