បច្ចេកទេសដាំដំណាំឪឡឹក

ការដាំដុះ

 ក. ប្រភេទដីៈ 

យើងអាចដាំដុះបានលើប្រភេទដី ល្បាយខ្សាច់ ដីល្បាប់ និងតំបន់ដីក្រហម ដែលមាន pH ពី ៥ ទៅ ៦.៨ ។

ខ. ការរៀបចំដីៈ

ត្រូវភ្ជួរដី និង រាស់ដីឲ្យបាន ២ ទៅ ៣ ដង និងហាលដីឲ្យបានយូរ ដើម្បីបំបាតពពួកចង្រៃ មួយចំនួននៅក្មុងដី។

គ. ការរៀបចំដី និង កាប់រណ្តៅៈ

* ការឆូតរងទទឹងរង ប្រវែង ១២០ស.ម ទៅ ១៥០ស.ម បណ្តោយរងតាមដី
* ការកាប់រណ្តៅលើរងជំរៅ ៨ ទៅ ១០ ស.ម ចន្លោះពីគុម្ព១ទៅ១ មានប្រវែង ១២០ ស.ម។
* ក្នុង១ ហ.ត យើងឆូតរងបានចំនួន ៦០ ទៅ ៦៦ រង អាចដាំបានចំនួន ៤៨០០ ទៅ ៥២០០ គុម្ព ក្នុង ហិតា។

ឃ. របៀបដាំដុះ

* ការដាំគ្រប់ផ្ទាល់ និង ការបណ្តុះកូនមុនដាំ
* មុនធ្វើការដាំដុះត្រូវដាស់ដំណេកគ្រាប់ជាមិនសិន(ហាលថ្ងៃ ឬត្រាំទឹកក្តៅ មានកំដៅ ៣០ ទៅ ៣៥ អង្សាសេ។

• ការជ្រុំជ្រូយដី
  • ត្រូវធ្វើឡើងក្រោយពេលដាំបានចំនួន ១៥ ទៅ ១៧ថ្ងៃបន្ទាប់ពីការដាំ កូនឪឡឹក ៦ ទៅ ៧ សន្លឹក (ស្លឹកពិត) ពេលនោះគេ កាត់សន្លឹកចោលចំនួន ៣ សន្លឹក ហើយកប់ទងទៅក្នុងដី បន្ទាប់មកជ្រុំដីពូនឡើងវិញ។
  • ការស្រោចទឹក និងភាគច្រើនគេដាំឪឡឹកយកសំណើមដី ៦០ % ទៅ ៧០%អាចធ្វើការដាំដុះបានហើយ។
  • តាមលក្ខណះបច្ចេកទេសពេលឪឡឹកចាប់ផ្តើមចេញផ្កា រហូតដល់មានផ្លែទំហំពី ៥ ទៅ ៦ ស.ម នៅពេលអង់តែនមួយគូរ អមទងនោះស្ងួត ១/៣ (មួយភាគបី)គេត្រូវបញ្ជូលទឹកម្តងទៀត ឲ្យសើមៗ។
• ការប្រើនិងដាក់ជីបំប៉ន លើដំណាំឪឡឹក
  • លើកទី១ ត្រូវដាក់ជី អ៊ុយរ៉េ (Urea 46.0.0 ) មួយហិតា ៥០ គ.ក្រ ក្រោយដាំបានពី ៨ ទៅ ១០ថ្ងៃ ដោយលាយទឹកស្រោច ។
  • លើកទី ២ ត្រូវ ប្រើជីអ៊ុយរ៉េ  បូក ជី ១៥.១៥.១៥ ដាក់តាម គុម្ពនីមួយនៃដំណាំក្រោយដាំបានចំនួន ២០ ទៅ ២៥ ថ្ងៃ។
  • លើកទី៣ ត្រូវ ប្រើជីអ៊ុយរ៉េ  បូក ជី ១៥.១៥.១៥ ដាក់តាម គុម្ពនីមួយនៃដំណាំក្រោយដាំបានចំនួន ៤០ ទៅ ៤៥ ថ្ងៃ។

២. ជំងឺ និង សត្វល្អិត
ជំងឺ ដំណាំឪឡឹកមាន

• ផ្សិតកើតលើកូនឪឡឹក
• ផ្សិតកើតលើស្លឹកឪឡឹក
• ជំងឺលឿងលើស្លឹក ឪឡឹក
• ជំងឺផ្សិតលើផ្លែ ឪឡឹក

បើមានជំងឺទាំងអស់ខាងលើនេះ គួរ តែប្រើថ្នាំ ដូចខាងក្រោម៖

• មុននឹងប្រើប្រាស់ថ្នាំនីមួយ ត្រូវតែមើល ការណែនាំ ដែលមាននៅសំបកថ្នាំជាមុនសិន ។
• ត្រូវអនុវត្តទៅតាមបទដ្ឋានបច្ចេកទេស ណែនាទាំងកំរិតប្រើ។
• ថ្នាំជំងឺគួរតែបាញ់នៅពេលព្រឹក ឬមេឃស្រទុំ។
• សត្វល្អិតស៊ីបំផ្លាញដំណាំឪឡឹក
• មានពពួក ចៃស 
• ស្រឹងជញ្ជក់បណ្តូល ឪឡឹក
• ទ្រីព
• ស្រមោច ក្រហម លីងផ្លែ
• ដង្កូវស៊ីស្លឹក
• ថ្នាំជំងឺគួរតែបាញ់នៅពេលល្ងាច ក្នុងចន្លោះ ម៉ោង ៣:៣០ ឬ ម៉ោង៤:៣០
• ។វិធីលាយថ្នាំ ត្រូវចាក់ទឹក មួយភាគបីនៃធុងជាមុនៗចាក់ទឹកថ្នាំចូល បន្ទាប់ចាំចាក់ទឹកថ្នាំបានលាយនោះចូល ហើយ ចុងក្រោយចាំចាក់ទឹកបំពេញឲ្យគ្រាប់។

(ការ ការពារអ្នកបាញ់ង្នាំត្រូវតែ មានមួកនិងមាស ត្រណប់ជើង កវែង និងអាវការពារឲ្យបានត្រឹមត្រូវ)

៣. ការប្រមូលផល ឪឡឹក 
ការប្រមូលផលឪឡឹកត្រូវយោល ទៅតាមប្រភេទនៃពូជនីមួយៗ

• ពូជ ស្រាល ប្រមូលផលបាននៅអាយុ ៥៥ ទៅ ៦០ ថ្ងៃ បន្តាប់ពីដាំ
• ពូជ កណ្តាល ប្រមូលផលបាននៅអាយុ ៦០ ទៅ ៧៥ ថ្ងៃ បន្តាប់ពីដាំ
• ពូជ ធ្ងន់ ប្រមូលផលបាននៅអាយុ ៧៥ ទៅ ៨៥ ថ្ងៃ បន្តាប់ពីដាំ

(ចំណាំៈ    បើសិនឃើញប្រមោយវាស្វិត១/៣នៃប្រវែងសន្តង់វា គឺ យើងអាចប្រមូលផលបាន)

ប្រភពអត្ថបទៈ http://agritoday.com/techniques/article/2568.html