សិប្បកម្ម

ហេតុនាំអោយកើតគម្រោងអាជីវសិប្បកម្មខ្នាតតូច

ដោយយល់ឃើញថា ការជួយសង្រ្គោះក្មេងកំព្រាក្រីក្រអោយរួចផុតពីភាពក្រីក្រកំសត់ទូគត៌ ក៏ដូចជា ភាពអវិជ្ជា (គ្មានចំ​ណេះដឹង) ដោយអោយពួកគេរួចផុតពីភាពក្រីក្រ ព្រមទាំងមានចំណេះ​ដឹងគ្រប់គ្រាន់តាម រយៈការជួយផ្ទាល់​ចំពោះក្មេងៗក្រីក្រ​ទាំងនោះ។

ដោយយល់ឃើញថា ការជួយឧបត្ថម្ភផ្ទាល់មិនស្ថិតថេរយូរអង្វែងឡើយ ហើយការជួយបែបនេះក៏ចំ ណាយ​ថវិកាអស់​ច្រើន កន្លងមកអង្គការយើងខ្ញុំបានអនុវត្តន៍ផែនការណ៍បែបនេះក៏ដូចជាជួយឧបត្ថម្ភសម្ភារៈ ​សិក្សារៀនសូត្រមានៈ សៀវភៅ ប៊ិច ខ្មៅដៃ ជ័រលុប កាតាប ខោអាវ នឹងកង់ជាដើម ជាពិសេសឧបត្ថម្ភជា ថវិកាក្នុងមួយ​នាក់ចំនួន ៣០,០០០ រៀនក្នុងមួយខែៗរយៈពេលមួយឆ្នាំ។

ដោយអង្គការយើងខ្ញុំ មានបទពិសោធន៍ក្នុងការជួយបែបនេះត្រូវទទួលបរាជ័យដោយសារចំណាយ ថវិកាអស់​ច្រើន ជាពិសេសឪពុកម្តាយរបស់ក្មេងក្រីក្រកំព្រាទាំងនោះ មិនយល់អំពីតម្លៃនៃការសិក្សារៀន របស់កូន ហើយពួកគាត់​ទាំងនោះថែមទាំងមិនជំរុញលើកទឹកចិត្តអោយកូនទៅចូលរៀនទេ មានតែជំរុញ អោយកូនឈប់រៀន ឬផ្អាក់ការសិក្សា​រៀនសូត្រដើម្បីអោយកូនមកជួយរកកម្រៃជួយចិញ្ចឹមគ្រួសារទៅវិញ។ ពួកគាត់ទាំងនោះមិនសូវរវីរវល់ខ្វាយខ្វល់អំពីការ​សិក្សាររៀនសូត្ររបស់កូនពួកគាត់នោះទេ គាត់គិតតែជីវៈ ភាពរស់នៅ ឬគិតតែលែងល្បែង ផឹងស៊ីអួរផ្នួរ ចំណាយពេល​ឥតប្រយោជន៍ទុកអោយកូនជាអ្នកចិញ្ចឹមគ្រួ សារទៅវិញ នេះម្យ៉ាង។

ម្យ៉ាងទៀតពួកគាត់គិតថា ការសិក្សារៀនសូត្ររបស់កូនមិនបានដល់កោះត្រើយឡើយ ពីព្រោះគាត់ ជាជនក្រីក្រ​គ្មានលទ្ធិភាពឧបត្ថម្ភអោយកូនរៀនសូត្រ ប្រសិនបើជាទុកអោយកូនមកជួយធ្វើការងារខ្លួនវិញ ប្រសើរជាជាងទុកអោយ​កូនទៅរៀន។

អង្គការយើងខ្ញុំ ផ្តោតសំខាន់បំផុតទៅលើការកេងប្រវ័ញ្ចកម្លាំងពលកម្ម ការរំលោភសិទ្ធិដោយខុស ច្បាប់មកលើ​កុមារគ្រប់រូបភាព និងការកាត់បន្ថយនៃការបោះបង់ចោលការសិក្សារបស់ក្មេងកំព្រាក្រីក្រ និង ក្មេងអនាថា ជំរុញនឹងលើ​កទឹកចិត្តអោយកុមារកំព្រាក្រីក្របានចូលរៀនឡើងវិញ។ មានកុមារកំព្រាក្រីក្រខ្លះ រស់នៅជាមួយម្តាយអត់ឪពុក ជាមួយ​ឪពុកអត់ម្តាយ រស់នៅជាមួយតាយាយដែលអត់មានលទ្ធិភាពចិញ្ចឹម នឹងរស់នៅជាមួយសាច់ញាតិ។

ទន្ទឹមនឹងនោះដែរ ដើម្បីអោយសកម្មភាពនេះជោគជ័យ យើងត្រូវផ្តោតសំខាន់ទៅលើឪពុកម្តាយ ឬ អ្នកអាណា​ព្យាបាលជាចម្បង ពីព្រោះឪពុកម្តាយ នឹងអ្នកអាណាព្យាបាលនេះហើយជាចលករមួយដែលមាន ឥទ្ធិពលខ្លាំងបំផុត​ក្នុងការ​ជំរុញកុមារកំព្រាក្រីក្រដែលជាកូនរបស់ពួកគាត់នោះ អោយចូលរៀនបានដោយ ងាយស្រួលនិងជាប់លាប់។​ 

ជាការពិតណាស់ យើងជាគ្រួសារក្រីក្រ ជាស្រ្តីមេម៉ាយទីទាល់ក្រ ឬជាជនពិកាក្រីក្របើយើងចង់ធ្វើអ្វី មួយអោយបានសម្រេចជោគជ័យដូច​ជាជនមានលទ្ធិភាពដ៏ទៃឯទៀតនោះ លុះត្រាតែយើងចងក្រងគ្នាជា បណ្តាញ ជាសម្ព័ន្ធ ឬជាក្រុមមួយដ៏​រឹងមាំជាមុនសិន។ បណ្តាញ សម័្ពន្ធ​ ឬក្រុមនោះ ត្រូវរួបរួមសាមគ្គីគ្នា ជាកម្លាំងស្មារតីតែមួយត្រូវជួយដោះស្រាយគ្នារាល់​ឧបសគ្គដែលកើតមានឡើង ជួយគ្នាទាំងកម្លាំងកាយ ទាំង ថវិកា និងគំនិតប្រាជ្ញា បើនិយាយដោយរួមមានអ្វីគឺជួយហ្នឹង។

                                                        

ដើម្បីអោយកុមារកំព្រាក្រីក្របានចូលរៀនដោយងាយស្រួលនោះ យើងត្រូវអប់រំបណ្តុះបណ្តាលឪពុក ម្តាយ ឬ​អាណាព្យាបាលរបស់ពួកគេជាចំបាច់។ ធ្វើយ៉ាងណាពន្យល់ពួកគាត់អោយស្គាល់អំពីជីវិតពិតរបស់ មនុស្ស នឹងពន្យល់​អោយយល់ច្បាស់អំពីគុណសម្បត្តិ និងគុណវិបត្តិនៃការសិក្សារៀនសូត្ររបស់កូនពួក គាត់។ ហើយជាពិសេសត្រូវ​បណ្តុះបណ្តាលផ្នែកគំនិតដល់ពួកគាត់អោយចេះកែច្នៃជីវៈភាពអោយល្អប្រសើរ ឡើង។ ដើម្បីអោយពួកគាត់ទទួល​បាននូវភាពចេះកែច្នៃជីវិតអោយល្អប្រសើរនោះ យើងត្រូវបង្កើតសិប្បកម្ម ខ្នាត​​​ ឬសម្ព័ន្ធមូលនិធិពួកគាត់ដើម្បីពួកគាត់ (ដែលហៅថា​សម្ព័ន្ធ មូលនិធិពល​រដ្ឋខ្មែរ ដើម្បីខ្មែរ) នឹងបើក វេទិកា ឬបើកសិក្ខាសាលាដើម្បីអប់រំបណ្តុះបណ្តាលពួកគាត់។

សិប្បកម្មខ្នាតតូចបង្កើតឡើងដើម្បីៈ

១‍‍‍‍-  ជំរុញ នឹងលើកទឹកចិត្តគាត់ អោយពួកគាត់ជំរុញកូនចូលសាលារៀន

២- ចូលរួមលើកស្ទួយវិស័យព្រះពុទ្ធសាសនា

៣- ចង់ក្រងបណ្តាញពួកគាត់អោយមានភាពសាមគ្គី និងចេះជួយគ្នាទៅវិញទៅមក

            ៤- ដើម្បីជួយគ្រួសារក្រីក្រ ស្រ្តីមេម៉ាយក្រីក្រ និងជនពិកា

            ៥-  បង្កើតមុខរបរជួនពួកគាត់

            ៦- បង្កើតការងារដល់សហគមន៍

            ៧- លើស្ទួយកំរិតជីវភាពពួកគាត់អោយបានល្អប្រសើរ

            ៨- ចូលរួមជួយកាត់បន្ថយភាពក្រីក្រីក្នុងសង្គមជាតិ

            ៩- ទប់ស្កាត់ការធ្វើចំណាក់ស្រុករបស់ប្រជាពលរដ្ឋក្រីក្រ

១០- ផលប្រយោជន៍ដែលទទួលបានពីសិប្បកម្ម (គឺជាប្រាក់ចំណេញ) នោះ គឺជាចំណែកផល​លាភ​នៃពួកគាត់ទាំងអស់គ្នា ដើម្បីយកមកចិញ្ចឹមផ្គត់ផ្គង់ក្នុងគ្រួសារពួកគាត់, និងជួយទ្រទ្រង់ដល់សិប្បកម្ម។

ល័ក្ខខ័ណ្ឌនៃការចូលជាសមាជិកអាជីវសិប្បកម្ម

១- ដាច់ខាតត្រូវតែជំរុញ និងលើកទឹកចិត្តកូនអោយចូលសាលារៀន

២- ជាគ្រួសារក្រីក្រពិតប្រាកដ

៣- ត្រូវបង់ប្រាក់ចំនួនចាប់ពី ៥,០០០ រៀលឡើងទៅ ដើម្បីចូលជាសមាជិក នៃគម្រោង សិប្បកម្ម ខ្នាតតូច (គ្រួសារក្រីក្រ ស្រ្តីមេម៉ាយ និងជនពិកាខ្លួនឯង គឺជាម្ចាស់នៃអាជីវសិប្បកម្ម នេះ)

៤- ប្រវត្តិគ្រួសារចេះតស៊ូអត់ធ្មត់ (ប្រវត្តិគ្រួសារល្អ)

៥- មានទីលំនៅជាអចិន្រ្តៃនៅក្នុងភូមិឃុំ

៦- ជាអ្នកមានឆន្ទៈពិតប្រាកដក្នុងការរើបំរាស់ពីភាពក្រីក្រ

            ៧- ចេះគោរពស្រឡាញ់ យោគយល់ និងអត់អោនអោយគ្នាទៅវិញទៅមក

            ៨- មិនប្រកាន់ពូជសាសន៍

៩- បើមានសមាជិកមួយណារំលោភបំពានលើល័ក្ខខ័ណ្ឌខាងលើនេះ គណៈកម្មការ នឹង អញ្ជើញ បុគ្គលនោះមកដើម្បីអប់រំណែនាំ ដល់​ដំណាក់កាលចុងក្រោយ គឺបញ្ឈប់លែងទទួលស្គាល់ជា សមាជិក។

រាល់កន្លះខែម្តង ត្រូវអប់រំពួកគាត់អោយយល់ដឹងពីៈ

Ø  ភាពជាមាតាបិតា ឬ អាណាព្យាបាល

Ø  អប់រំអំពីផលប៉ះពាល់នៃការប្រើប្រាស់អំពើហឹង្សាក្នុងគ្រួសារ, ការសម្របសម្រួល​ និងកា​រដោះ ស្រាយទំនាស់ក្នុងគ្រួសារ

Ø  ពន្យល់អំពីផលប៉ះពាល់នៃការធ្វើចំណាកស្រុក

Ø  ពន្យល់អំពីគុណសម្បត្តិ នឹងគុណវិបត្តិនៃការសិក្សារបស់កូនពួកគាត់ (ជំរុញលើកទឹក​

ចិត្ត)

ដំណាក់កាលទី១

            អនុវត្តន៍គម្រោងនេះ ទៅលើក្រុមគ្រួសារចំនួន ១០ គ្រួសារ ដែលស្ថិតនៅក្នុងភូមិព្រះស្រែចិន្តា ឃុំព្រះស្រែ​ស្រុកឧដុង្គ ខេត្តកំពង់ស្ពឺ។

សិប្បកម្មដែលត្រូវធ្វើ

ល.រ	ផ្នែកបុរស	ធ្វើអំពី	ផ្នែកស្រ្តី	ធ្វើអំពី
១	ធ្វើតុ ទូ កៅអី ប៉ាវអី	-       ផ្តៅ -       ឬស្សី -       ឈើ	-តម្បាញកន្ត្រក់គ្រប់ប្រភេទ -វត្ថុអនុស្សាវរីយ៍ -និងគ្រឿងប្រើប្រាស់ផ្សេងៗ	- ល្ពាក់ - វល្លិ៍ - កំផ្លោក - ស្លឹកត្នោតជាដើម

ដំណាក់កាលទី២

ល.រ	សកម្មភាពដែលត្រូវធ្វើ	ចំនួនមនុស្ស	ប្រុស	ស្រី
១	បង្កើតវង្សភ្លេងខ្មែរ	មកពី ១០ គ្រួសារ ក្នុងសិប្បកម្ម	៤ នាក់	៣ នាក់
២	អប់រំ	គ្រួសារក្រីក្រក្នុងភូមិទាំងអស់	មិនកំណត់	មិនកំណត់

ដំណាក់កាលទី៣

          បង្កើតបណ្ណាល័យសិក្សាសម្រាប់ភូមិ

គម្រោងថវិកាលំអិតក្នុងរយៈពេលមួយឆ្នាំ ផ្នែកសិប្បកម្ម

ល.រ	សកម្មភាព	ប្រភេទ	តម្លៃមួយឯកតា	រយៈពេល	ចំណាយសរុប	ផ្សេងៗ
១	រោងសិប្បកម្មធ្វើអំពីឈើប្រក់ស្លឹក	៨ម X ៦ម			២,៤៥០ ដុល្លារ
២	ដើមទុនក្នុងការទិញវត្ថុធាតុដើម	សិប្បកម្ម			១,៥០០ ដុល្លារ
៣	ជួលគ្រូបង្រៀន	សិប្បកម្ម	១២០ ដុល្លារ	៣ ខែ	៣៦០ ដុល្លារ
៤	ចំណាយផ្សេងៗ		៨០ ដុល្លារ	១២ ខែ	៩៦០ ដុល្លារ
៥	ចំណាយសរុបទាំងអស់				៥,២៧០ ដុល្លារ

​​​​​​​​